Superbook

Lesson:

Qanchalik yomon bo‘lishingdan yoki nima qilganingdan qat’iy nazar, Xudo sening o‘zgarishingga yordam beradi.

Extras

• Character Profiles

  • Shoul/Pavlus

    Discover More
    

    Shoul/Pavlus

    

    Farziyning o‘g‘li Shoul (Havoriylar 23:6) ahamiyatli yunon shahri Tarsusda tug‘ilgan. U ulg‘aygach yahudiy qonunlari va urf-odatlari bo‘yicha ajoyib bilimdonga aylandi va yetakchi farziylardan biri sifatida kelajagi buyuk edi. Shoul masihiylarni quvg‘in qilish uchun qidirardi, lekin Iso Shoulni qarshi oldi va Shoulning hayotini abadiy o‘zgartirdi. Iso bilan uchrashuvi orqali Shoulning ismi Pavlusga o‘zgartirildi va u masihiylikning eng buyuk missioneriga aylandi.

    • Bible References

      • Philippians 1:20-21
      • Acts 23:6
      • Acts 13:9
      • Acts 13:21
      • Acts 19
      • Acts 17
      • Acts 21
      • Acts 27
      • Acts 28

  • Stefan

    Discover More
    

    Stefan

    

    Stefan Muqaddas Ruh va imonga to‘ldi, u odamlar orasida ajoyib mo‘jizalar qildi va ko‘pchilik imonga keldi. U soxta ayblovlar bilan hibsga olingan va yahudiy kengashi oldida turgan. Stefan osmonga qaraganida yuzi farishtaning yuziday porladi. U yahudiy yetakchilarni “o‘jar va haqiqatga quloqlari kar” deya g‘azablantirdi. Ular uni shahar tashqarisiga sudrab olib chiqishdi va Stefan ular uchun ibodat qilayotganda toshbo‘ron qilishdi. Stefan Xushxabar uchun jonini bergan birinchi masihiy bo‘ldi.

    • Bible References

      • Acts 7:59-60
      • Acts 6:5
      • Acts 7:57-58
      • Acts 8:1-3

  • Xanoniyo

    Discover More
    

    Xanoniyo

    

    Xanoniyoning ismi "Xudo rahmdil" degan ma’noni anglatadi. Shoul yo‘lda Iso bilan uchrashgan paytda, u Damashqda yashagan masihiy imonli edi. Xudodan olgan vahiy tufayli Xanoniyo Shoulning oldiga borib, u bilan birodardek salomlashdi, uning ustiga qo‘lini qo‘ydi va Damashq yo‘lida unga nima bo‘lganini tushuntirdi. Shoulning ko‘zlari mo‘jizaviy tarzda tiklandi va u suvga cho‘mdi (Havoriylar 22:12-16).

    • Bible References

      • Acts 9:15
      • Acts 9:13-16
      • Acts 22:12-16

  • Oliy Ruhoniy

    Discover More
    

    Oliy Ruhoniy

    

    Oliy ruhoniylar va eng nufuzli ruhoniylar Sadduqiylar (Havoriylar 5:17) bo‘lib, ushbu yahudiy diniy mazhabi asosan zodagonlardan va ruhoniylardan iborat edi. Sadduqiylar bilan Iso orasida ko‘p kelishmovchiliklar bo‘lgan (Matto 22:23-24) shuningdek, ular ilk jamoatga qarshi chiqishgan (Havoriylar 4:1-3, Havoriylar 5:17-18).

    • Bible References

      • Acts 5:17
      • Acts 5:17
      • Matthew 22:23-24
      • Acts 4:1-3
      • Acts 5:17-18

  • Xolib

    Discover More
    

    Xolib

    

    Xolib – Kris, Djoy va Gizmoning xayoliy do‘sti bo‘lib, ularga Shouldan qochishga yordam berdi. U, shuningdek, Stefanning azobli o‘limi haqidagi hikoya bilan o‘rtoqlashdi hamda Djoy va Gizmoga Damashqqa borishga yordam berdi.

    • Bible References

      • Matthew 18:4

• Videos

  Damashq tomon Yo‘l – Najot Qo‘shig‘i

  • 

    Damashq tomon Yo‘l – Najot Qo‘shig‘i

  • 

    Pavlus

  • 

    Xanoniyo

  • 

    Xolib

  • 

    Oliy Ruhoniy

  • 

    Stefan

• Q & A

  • Stefan Xudoning sevgisi haqida hatto uni o‘ldirganlarga ham aytib berish qudratiga qay tariqa ega bo‘lgan?

    Stefan Isoning izdoshi sifatida Muqaddas Ruhni qabul qilgan. Osmonga ko‘tarilishidan oldin, Iso O‘z izdoshlariga yer yuzida hammaga U haqida gapirish uchun kuch beradigan Muqaddas Ruhni olishlarini va’da qildi. Bu va’da Hosil bayramida amalga oshdi. Shogirdlar o‘zgargan odamlarga, kuch-qudratga ega odamlarga aylanishdi. Barcha masihiylar Xudoning kuchiga egadir. Agar sen Isoning izdoshi bo‘lsang, sen ham egasan!
    
    
    Xudoning sizga bo‘lgan sevgisi va rejasi haqida bilib oling

    • Acts 1:8
    • Acts 2:1-47

  • Pavlusning hayoti Isoga ergashish azob-uqubatlarga olib kelishi mumkinligini qanday ko‘rsatmoqda?

    Xo‘sh, ikkita yo‘l bor. Pavlus Masihning izdoshi bo‘lishidan oldin, u masihiylarni quvg‘in qilgan. U Isoga ergasha boshlagach, oxir-oqibat aynan uning o‘zini imon tufayli quvg‘in qilishdi. Masihiy bo‘lish senga osmonda Xudo bilan abadiy kelajakni kafolatlaydi, lekin bu senga yerdagi qiyinchiliklarsiz, hatto quvg‘inlarsiz hayotni kafolatlamaydi. Ilk masihiylar Xudoning O‘g‘li Iso Masihga ishonishgani uchun katta ta’qiblarga duchor bo‘lishgan. Isoning O‘zi hibsga olingan, kaltaklangan va xochda o‘ldirilgan.
    
    
    
    Sen hayoting uchun xavfli quvg‘inlarni boshdan kechirmasliging mumkin, lekin odamlar ustingdan kulishlari, seni do‘st deb qabul qilmasligi, sendan uzoq yurishlari va ustingdan kulishlari va Isoning izdoshi bo‘lganing uchun seni masxara qilishlarini boshdan kechirishing mumkin. Iso shunday degan: “Xudoning yo‘lidan yurgani uchun quvg‘in bo‘lganlar baxtlidir, chunki Osmon Shohligi ularnikidir” (Matto 5:10).
    
    
    Xudoning sizga bo‘lgan sevgisi va rejasi haqida bilib oling

    • Matthew 5:10

  • Pavlusning imonga kelishi haqidagi boshidan kechirganlari biz dinga emas, balki Isoga ergashishimiz kerakligini qanday ko‘rsatmoqda?

    Ba’zi odamlar dinni o‘ziga shunchalik singdirishganki, Iso aslida nima deyayotganini ular eshita olishmaydi. Shoul diniy qonunlar va urf-odatlarning samimiy va jonkuyar izdoshi edi. Biroq, Iso Damashq yo‘lida uni kutib turgandi va Shoul dinga ergashish o‘rniga Isoga ergashish kerakligini bilib oldi. Isoga ergashish shunchaki bir qator qoidalar va yo‘l-yo‘riqlarga rioya qilishni emas, balki U bilan shaxsiy munosabatda bo‘lishni anglatadi.
    
    
    Xudoning sizga bo‘lgan sevgisi va rejasi haqida bilib oling

    • Acts 9:1-43

  • Xanoniyoning hayoti itoatkorlik muhimligini qanday ko‘rsatadi?

    Xanoniyo Xudoning “Borgin!” degan ko‘rsatmasiga itoat qilmaganini tasavvur qilgin. Shoul imonga kelmagan bo‘lardi va Xushxabar “g‘ayriyahudiylar orasida, shohlar va Isroil xalqi”ga yetkazilmagan bo‘lardi (Havoriylar 9:15). Keyinroq Pavlus deb atalgan Shoul Yangi Ahdda mavjud bo‘lgan ko‘p maktublarni yozmagan bo‘lardi. Xanoniyo eshitdi va itoat qildi. Shu sababli tarix o‘zgardi. Xudo senga ko‘rsatma bersa, itoat etgin!
    
    
    Xudoning sizga bo‘lgan sevgisi va rejasi haqida bilib oling

    • Acts 9:15

  • Pavlusning imonga kelishi haqidagi voqea qay tariqa o‘zlarida juda ko‘p yomonliklar bor deb o‘ylaydigan odamlarni masihiy bo‘lishga undashi mumkin?

    Xudo sen Unga ergashishingni va o‘z yo‘lingdan bormasligingni xohlaydi. U senga yo‘nalishni o‘zgartirishga yordam berishi mumkin. U, shuningdek, Unga sharaf keltirishi uchun hayotingda o‘zgartirishing kerak bo‘lgan narsalarni o‘zgartirishingga yordam beroladi; bu sening maqsad, fikr, munosabat, odat yoki harakatlaring bo‘lishi mumkin. Shoul Xudoning kuchi bilan hayotini butunlay o‘zgartirdi. Xudo senga ham o‘zgarishga yordam beradi!
    
    
    Xudoning sizga bo‘lgan sevgisi va rejasi haqida bilib oling

    • Romans 3:23-24